అర్ధనారీశ్వరస్తోత్రం
శ్లో ll చామ్పేయగౌరార్ధశరీరకాయై కర్పూరగౌరార్ధశరీరకాయ l
ధమ్మిల్లకాయై చ జటాధరాయ నమఃశివాయై చ నమఃశివాయ ll
శ్లో ll కస్తూరికాకుంకుమచర్చితాయై చితా రజః పుఞ్జవిచర్చితాయ l
కృతస్మరాయై వికృతస్మరాయ నమఃశివాయై చ నమఃశివాయ ll
శ్లో ll ఝణత్క్వణత్కంకణనూపురాయై పాదాబ్జరాజత్ఫణితనూపురాయ l
హేమాంగదాయై భుజగాంగదాయ నమఃశివాయై చ నమఃశివాయ ll
శ్లో ll విశాలనీలోత్పలలోచనాయై వికాసి పంకేరుహలోచనాయ l
సమేక్షణాయై విషమేక్షణాయ నమఃశివాయై చ నమఃశివాయ ll
శ్లో ll మన్దారమాలాకలితాలకాయై కపాలమాలాంకితకన్ధరాయ l
దివ్యాంబరాయై చ దిగంబరాయ నమఃశివాయై చ నమఃశివాయ ll
శ్లో ll అమ్భోధరశ్యామలకున్తలాయై తటిత్ర్పభాతామ్రజటాధరాయ l
నిరీశ్వరాయై నిఖిలేశ్వరాయ నమఃశివాయై చ నమఃశివాయ ll
శ్లో ll ప్రపంచ సృష్ట్యున్ముఖలాస్యకాయై సమస్తసంహారకతాండవాయ l
జగజ్జనన్యై జగదేకపిత్రే నమఃశివాయై చ నమఃశివాయ ll
శ్లో ll ప్రదీప్తరత్నోజ్జ్వలకుండలాయై స్ఫురన్మహపన్నగభూషణాయ l
శివాన్వితాయై చ శివాన్వితాయ నమఃశివాయై చ నమఃశివాయ ll
శ్లో ll ఏతత్పఠేదష్టకమిష్టదం యో భక్త్యా సమాన్యో భువిదీర్ఘజీవీ l
ప్రాప్నోతి సౌభాగ్యమనన్తకాలం భూయాత్సదాచాస్య సమస్తసిద్ధిః ll
ఫలశ్రుతి : దీనిని భక్తితో చదివినవారికి భూమిపై చిరంజీవులై గౌరవాన్ని సౌభాగ్యాన్ని, భార్యా భర్తలు అన్యోన్యతను కలుగజేయును.
